आज पनि बाचा तोड्यौ, भोलिको भर परुं कति,
छेउमा आयो रिसाउंछ्यौ, पर-पर सरौं कति !
ओइली झर्ने फुल जस्तै , ढल्कि जाने बैंस पनि,
बुझेर नि बुझ पचायौ, प्रतिक्षा अझै गरौं कति !
डांडा माथि चौतारीमा, आऊ है भेट्न कहिले काहिं,
एकोहोरो मैले मात्र, गाउँ बेसी झरौं कति !
हिउंद-बर्षा भन्या छैन, अझै कुरा बुझ्या हैन,
तिम्रो निम्ति उर्लिएको, खहरे भेल तरौं कति !
दुनियाँले के नै भन्छ, दुई आत्मा मिले पछि,
जे-जे पर्ला देखा जाला, सधैं भरि डराउं कति !
No comments:
Post a Comment